Esktremistë të ISIS thurën së fundmi një komplot për të vrarë ish-presidentin George ë. Bush në Dallas në harkmarrje ndaj luftës së tij në Irak. Plani zbulohet nga revista amerikane Forbes e cila raporton se atentati u zbulua nga dy informatorë sekret, përmes vëzhgimit të llogarive në Ëhatsapp. Sipas Forbs, një person i lidhur me ISIS në SHBA po planifikonte të vriste George Ë. Bush dhe udhëtoi në Dallas në nëntor për të bërë video rreth shtëpisë së ish-presidentit. Po ashtu ai rekrutoi një ekip bashkatdhetarësh që ai shpresonte t'i fuste ilegalisht në vend. Forbes zbulon se personi i lidhur me ISIS do të sillte në SHBA njerëzit e tij përmes kufirit meksikan. FBI tha se zbuloi skemën përmes punës së dy informatorëve konfidencialë. Operativi i supozuar i ISIS, me bazë në Ohio, tha se donte të vriste Bushin sepse mendonte se ish-presidenti ishte përgjegjës për vrasjen e shumë irakianëve dhe copëtimin e vendit pas pushtimit ushtarak të SHBA-së në vitin 2003.