Al Naba, revista e ISIS, kërcënon italinë dhe Luigi Di Maion duke publikuar në faqen e saj të internetit një foto të ministrit të jashtëm. Fotoja i takon një samiti anti-ISIS të mbajtur në qershor në Romë. Në artikullin me titull “Përse Kalifati i tremb”, përmendet edhe ‘Pushtimi i Romës’. Që në korrik, drejtuesi i ministrisë së jashtme italiane kishte marrë kërcënime nga po e njëjta revistë. I qëndroj pranë Luigi Di Maios për kërcënimet e reja dhe të rënda të marra nga terroristët e ISIS. Ne nuk trembemi. Angazhimi i tij në shërbim të vendit dhe stabilitetit ndërkombëtar, nuk do të zbrapset nga asnjë kërcënim” shkroi në tëitter ish kryeministri italian Giuseppe Conte. Edhe të tjerë zyrtarë italianë thonë se vendi nuk do të tërhiqet as edhe një centimetër nga pozicioni i saj në luftën kundër terrorizmit ndërkombëtar. Kërcënimet e ISIS ndaj ministrit Di Maio, konsiderohen kërcënim për të gjithë vendin.