Uragani Beryl u forcua në një stuhi potencialisht katastrofike të kategorisë 5 mbrëmjen e së hënës pasi kaloi mbi disa ishuj në Karaibet juglindore, ku zbrazi shi të rrëmbyeshëm dhe erëra shkatërrimtare. Beryl është tani stuhia më e hershme e kategorisë 5 e regjistruar ndonjëherë në Atlantik dhe një stuhi "potencialisht katastrofike" me shpejtësinë e erës që arrin deri në 260 kilometra në orë, tha të hënën Qendra Kombëtare e Uraganeve të SHBA. Më parë, ishulli Carriacou i Grenadës mori një goditje të drejtpërdrejtë nga "syri jashtëzakonisht i rrezikshëm i uraganit". Ishujt e afërt si Shën Vincenti dhe Grenadinet gjithashtu panë "erëra katastrofike dhe stuhi kërcënuese për jetën", tha qendra. "Brenda gjysmë ore, Carriacou u shkatërrua," tha kryeministri i Grenadës Dickon Mitchell në një konferencë shtypi. Sipas pamjeve video të siguruara nga AFP, shira të rrëmbyeshëm dhe erëra të forta janë regjistruar në St. George, Grenada. Deri në mëngjes, Beryl klasifikohej si stuhi e kategorisë 4, "jashtëzakonisht e rrezikshme". "Mos dilni në rrugë në asnjë mënyrë", u urdhëruan banorët. Në Bridgetoën, radhë të gjata makinash u panë në fundjavë në pikat e karburantit, ndërsa supermarketet dhe dyqanet ushqimore ishin të mbushura me njerëz që kërkonin ushqim, ujë dhe furnizime të tjera. Pasdite, autoritetet në Barbados, pjesa më lindore e ishujve Ëindëard (arkipelagu i Antileve të Vogla), raportuan se ishulli ishte goditur nga erëra të forta dhe shira të rrëmbyeshëm, por se fatkeqësia ishte shmangur dhe nuk u raportua për të lënduar. Shën Lucia, Shën Vincenti dhe Grenadinet dhe Grenada janë nën një vëzhgim dhe një paralajmërim për stuhi tropikale është në fuqi për Martinikën, Dominikën dhe Trinidadin. Sipas ekspertëve, një stuhi kaq e fuqishme është jashtëzakonisht e pazakontë në fillimin e sezonit të uraganeve, i cili zgjat nga fillimi i qershorit deri në fund të nëntorit në Oqeanin Atlantik. Sipas trajektores së parashikuar, Beryl do të vazhdojë rrugën e tij drejt meksikës, dhe pritet të përfshijë edhe vendpushimin e Kankunit.