Ishujt e Tongos qendrore kanë mirëpritur lindjen e një foshnje të re, një ishull bebe. Ky i fundit u shfaq në juglindje të oqeanit paqësor, ku vullkanët nënujorë janë të shumtë. Një prej këtyre vullkaneve u zgjua më 10 shtator duke lëshuar llavë, tym dhe hi, sipas një deklarate të observatorit të tokës së NASA-s. Vetëm 11 orë pasi vullkani nisi të shpërthente, një ishull i ri u krijua mbi sipërfaqen e ujit dhe NASA ka fiksuar imazhet e ishullit të sapolindur nga satelitët. Ishulli i ri u rrit shpejt në përmasa – vijon NASA. Më 14 shtator, kërkuesit në shërbimet gjeologjike të Tongas, vlerësuan se ishulli kishte një sipërfaqe prej vetëm 4 mijë metrash katror. Por, më 20 shtator, ishulli u rrit duke u shtrirë në 24 mijë metra katror. Ishulli i ri ndodhet mbi barrierën koralore në ishujt e tongos qendrore, në jugperëndim të arqipelagut Late Island. Por NASA ka paralajmëruar: Mos u lidhni shumë me ishullin bebe. Në fakt, ishujt e krijuar nga vullkanë nënujorë janë shpesh jetëshkurtër pavarësisht se ndodh ndonjëherë që ata të rezistojnë për vite apo edhe për dekada.