Kryeministri Edi Rama ka prezantuar programin qeverisës për Ujin dhe Energjinë, 2021-2025, duke premtuar se në fund të mandatit të tretë në të gjitha bashkitë e vendit do të ketë furnizim me ujë të pijshëm 24 orë në ditë. E ndërsa më parë, ka theksuar rama, ky sektor ishte fole punësimi për partite. Kreu i qeverisë nuk la pa ironizuar edhe opozitën, kur u shpreh se ata që duan të vijnë sot në pushtet, duan që të rikthejnë ato që u hoqën nga sistemi. Afrofeja u zhduk, ashtu sikundër u zhdukën shumë të këqija të atij sistemi që ishte një afrofe qeverisje që sot pretendojnë të rikthehen. Të rikthehen gjëra që mezi i hoqëm nga sistemi. I kanë në program. Administratori i OSHEE-së Ardian Çela bëri një rezyme në sektorin e energjisë elektrike nga viti 2013 në vitin 2021, ku theksoi se OSHEE ka përmirësuar ndjeshëm shërbimet për qytetarët, duke shtuar se gjatë kësaj kohe është rritur niveli i arkëtimeve dhe ka rënë niveli i humbjeve.