Të tjera detaje janë zbardhur nga vdekja tragjike e 19-vjeçares me origjinë shqiptare në ishullin e Kefalonisë, në Greqi. E reja, sipas mediave greke u gjet pa ndjenja në qendër të Argostolit. Ajo u transportua me urgjencë drejt spitalit por nuk mundi të mbijetojë. Nga hetimet rezultoi se vajza kishte shkuar në një hotel nën shoqërinë e një 23-vjeçari. Por më pas aty kanë shkuar dhe dy të rinj të tjerë, një 26-vjeçar dhe një 22-vjeçar shqiptar. Ata mednoeht se gjatë natës kanë konsumuar lëndë narkotike. Sipas dëshmive dhe pamjeve filmike të siguruara nga kamerat e sigurisë, në një moment kritik vajza ka humbur ndjenjat. Por në vend që të kërkonin ndihmë mjekësore, tre të rinjtë e kanë nxjerrë nga hoteli dhe e kanë çuar drejt qendrës së qytetit. Njëri prej tyre shihet duke e mbajtur në krahë, ndërsa dy të tjerët e shoqërojnë. Ata e kanë lënë në gjendje të rëndë pranë një sheshi dhe më pas janë larguar.