Dy shqiptarë janë vënë në pranga nga autoritetet italiane,pasi akuzohen për vjedhje të banesave e pizneseve në zona të ndryshme të vendit. Arrestimi I tyre është bërë nga karabinierët e Ardeas në fshatin fshatin Tor San Lorenzo (Lazio), pasi morën sinjalizimin se po kryheshin vjedhje shtëpish. Sapo hasën efektivët, të dyshuarit lanë në mes grabitjen, por u kapën në ndjekje e sipër. Dy të arrestuarit, identiteti I të cilëve nuk bëhet I ditur, ishin me precedentë të mëparshëm penalë. Si prova u sekuestruan jo vetëm sende të vjedhura, por edhe valixhe profesionale, me të gjitha veglat e mundshme. Operacioni për kapjen dhe arrestimin e tyre mësohet të jetë zhvilluar të enjten, teksa sipas medieve italiane, skifterët shqiptarë tentuan me çdo kusht të arratiseshin, duke kërcënuar me kaçavida karabinierët, por pa sukses. Gjatë kontrollit në automjetin që përdorej prej tyre, edhe ky I vjedhur disa muaj më parë, u gjetën dhe sekuestruan leva, pinca, trapano, troko, madje edhe një mjet pune kazmë dhe një ndezës për shpërthim të lokalizuar, mjete këto të përdorura në vjedhjet e tyre. Mes objekteve të gjetura, edhe malli i vjedhur dhe i kthyer te pronari i ligjshëm.