Një ngjarje e rëndë kriminale është parandaluar në Rreshen. Dy vëllezërit Besnik dhe Prengë Gjoka janë vënë në pranga nga Policia e Lezhës, pasi kishin në makinën e tyre një armë kallashnikov dhe një pushkë, të dyja me fishekët në fole, gati për qitje. Pas marrjes së informacioneve në rrugë operative, se dy vëllezërit do të kryenin një krim, Policia e Lezhës organizoi operacionin “Repsi” dhe vuri në pranga ata në hyrje të Rrugës së Kombit. Po në Rreshen, Policia organizoi nëj tjetër operacion policor të quajtur “Fani”, ku vuri në pranga shtetasin N.K. Për këtë të fundit policia kishte mbledhur informacione se mbante armë dhe se po përgatiste një krim kundër personit. Gjatë arrestimit, në banesën e shtetasit N.K. u gjet arma e zjarrit tip kallashnikov si dhe 11 krëhëra me fishekë. Pas vënies në pranga të këtyre shtetasve, Policia referoi materialet proceduriale në Prokrorinë e Lezhës, e cila ka nisur hetimet ndaj tyre, me akuzën për mbajtje armësh luftarake dhe përgatitje të krimeve kundër personit.