Policia e vlorës ka ndaluar tre persona që udhëtonin me një automjet, pasi njëri prej tyre dispononte me vete një armë zjari pa leje. Patrulla e shqiponjave pas informacioneve të marra në rrugë operative se tre shtetas po udhëtonin me një mjet taksi nga Llakatundi në drejtim të Vlorës dhe se njëri kishte armë zjarri me vete, ka organizuar punën për kapjen e tyre. Pas ndërhyrjes së policisë u bë lokalizmi dhe bllokimi i mjetit me të cilin udhëtonin, si dhe arrestimi në flagrancë i shtetasit Klajdi Basha 43 vjeç, banues në lagjen “1 Maji”, Vlorë, të cilit gjatë kontrollit, iu gjet dhe sekuestrua në cilësinë e provës materiale 1 armë zjarri kallashnikov dhe një sasi municioni luftarak. 43 vjecari njihet si person me precedente penale pasi më herët ka qenë i denuar në Itali për organizatë kriminale dhe shfrytëzim prositucioni. U ndaluan edhe Klajdi Misri, po nga Vlora edhe ky i dënuar në Itali për trafikim të narkotikeve, si dhe 34 vjeçari Daniel Bako, ka qenë i dënuar për vjedhje në Shqipëri. Të cilët akuzohen për moskallëzim krimi pasi udhëtonin me 43 vjecarin që dispononte armë.