Dukesha e Sussex-it tha se ka qenë “gruaja më e ngacmuar në botë” në ditën e tretë të turneut të saj në Australi. Duka dhe Dukesha e Sussexit diskutuan efektet negative të mediave sociale tek të rinjtë që punojnë për Batyr, organizatën bamirëse të shëndetit mendor, në Melbourne të enjten. Dukesha e krahasoi fuqinë varësisë të platformave “të shfrenuara” të mediave sociale me heroinën, duke shtuar: “Çdo ditë për 10 vjet, jam ngacmuar ose sulmuar, dhe isha gruaja më e ngacmuar në të gjithë botën.” Ajo i tha të rinjve se duhej të ishin më të fortë sepse industria e mediave sociale, e cila “është e bazuar në mizori për të marrë klikime”, nuk do të ndryshonte kurrë. Pasi folën me adoleshentë në grupe të vogla në Universitetin e Teknologjisë Sëinburne të Melbournit, Duka dhe Dukesha u ulën për një diskutim në grup. Princi Herri vlerësoi Australinë për marrjen e rolit udhëheqës në trajtimin e rreziqeve të mediave sociale duke vendosur një ndalim për platformat për fëmijët nën 16 vjeç. “Qeveria juaj ishte e para në botë që mori një masë të tillë. Mund të debatojmë këtu pro dhe kundrat e ndalimit por ajo që mendoj unë nga një këndvështrim përgjegjësie dhe lidershipi është se kjo masë ëhstë epike”, tha ai duke shtuar se shumë vende të tjera tani po ndjekin të njëjtin shembull.