Detaje të reja janë zbardhur nga vrasja e 63 vjecares Fatime Suli në fshatin Kozare të Kucovës. Autori i vrasjes Fetah Marra ka dhënë dëshminë e plotë përpara policisë dhe grupit hetimor, ku është shprehur se viktima i kishte atij 60 mijë lekë të vjetra borxh. Marra tha se ka qenë në gjendje të dehur në momentin që i ka marrë jetën 63 vjecares, ndërsa tregoi të gjithë kronologjinë e ngjarjes. “Fatimeja më kishte 60 000 mijë lekë (të vjetra) nga mbarështimi i tufës së saj dhe unë shkova për t’ja kërkuar. Kur shkova atje e pashë shumë afër duke biseduar me një bari tjetër, Izetin, dhe u largova. U ktheva përsëri 1-orë më vonë, isha i pirë dhe pasi e pashë vetëm iu afrova dhe i kërkova lekët. Ajo filloi të bërtiste e të më gjuante me gurë dhe unë e kapa nga prapa në fyt dhe e shtrëngova. Pas disa sekondash ajo ra në tokë pa ndjenja. E shkunda disa herë dhe kur e pashë që nuk po merrte frymë e kuptova që kishte vdekur.”