Pëllumb Hoxha dhe Flamur Bejko I janë drejtuar Gjykatës së Lartë me një kërkesë për lirim nga qelia, teksa janë të arrestuar që prej tetorit 2022. Ata kundërshtojnë masën e sigurisë “arrest me burg”, duke kërkuar që të lirohen edhe ata, njësoj me 6 të arrestuar të tjerë në kuadër të mega-operacionit “Porositësi” që janë të liruar tashmë nga Gjykata e Durrësit. Në tetor 2022, Policia e Durrësit do të finalizonte një operacion me 14 të arrestuar, mes të cilëve ish-polici I burgjeve Flamur Bejko, dhe me 5 të shpallur në kërkim, mes të cilëve Aleksandër Laho alias Pëllumb Muharremi, ose I njohur ndryshe si Rrumi I Shijakut. Zbërthimi I këtij grupi kriminal erdhi pasi grupi I Rrumit të Shijakut mori peng në Autostradën Durrës-Tiranë dy vëllezërit Gentian dhe Indrit Beqiraj, por të rrethuar nga Policia, u detyruan të largoheshin në këmbë dhe t’I lironin pengjet. Dy vëllezërit vendosën të bëheshin të penduar të drejtësisë, duke zbuluar porosi për disa vrasje që kishin marrë nga Kasandër Noga, I arrestuar në Belgjikë, nëpërmjet Kevin Zenelit alias Suçi. Ata rrëfyen që një nga këto porosi ishte vrasje gabimisht e Erion Çelës në Don Bosko, që sipas tyre ishte realizuar nga Kevin Zeneli, ku në fakt synohej të eleminohej Geron Hasanbelliu, rivali I përjetshëm I Kasandër Nogës. Ekzekutimi I Arbën Mërkurit apo siç njihej ndryshe me emrin Maneci ishte një tjetër vrasje mafioze që u zbardh pjeserisht nga vëllezërit Beqiri, por duke pretenduar sërish se autori kryesor ka qenë Kevin Zeneli dhe se ata ishin tërhequr.