Gjykatësi i Gjykatës Speciale, Abul Hasnat Zulqarnain, bëri të ditur vendimin në një seancë të mbajtur brenda burgut Adiala. Khan, i cili u rrëzua nga pushteti përmes një mocioni mosbesimi në Parlament në prill të vitit 2022, aktualisht është duke vuajtur një dëmin prej tre vjetësh burgim për një rast korrupsioni. Khanit i është ndaluar që të marrë pjesë në zgjedhjet parlamentare të caktuara për më 8 shkurt, për shkak të një dënimi paraprak. Partia e tij tha se do të sfidojë vendimin dhe se ka shpresë që dënimi do të anulohet. “Ne nuk e pranojmë këtë vendim të jashtëligjshëm”, tha avokati i Khan përmes një postimi në X. Dënimi i fundit vjen pasi Khan kishte zbuluar një dokument konfidencial diplomatik gjatë një tubimi publik, pas rrëzimit të tij nga pushteti më 2022. Atëherë, Khan pretendoi se dokumenti, ishte dëshmi se rrëzimi i tij ishte orkestruar nga ushtria e fuqishme e Pakistanit në koordinim me Shtetet e Bashkuara. Si ushtria, ashtu edhe Uashingtoni, kishin mohuar këto akuza. Dokumenti nuk është bërë publik, por duket se ai përmbante një komunikim të një kabllogrami diplomatik mes Ambasadës së Pakistanit në Uashington dhe Ministrisë së Jashtme të Pakistanit.