John Bolton, ish-këshilltari i sigurisë kombëtare i Donald Trump, është deklaruar fajtor për keqpërdorim të informacionit të klasifikuar të sigurisë, si pjesë e shënimeve që ai përpiloi për një libër. Bolton, tani një kritik i shquar i presidentit amerikan, u padit për 18 akuza që lidheshin me trajtimin e papërshtatshëm të materialeve të klasifikuara dhe fillimisht u deklarua i pafajshëm. Por të premten, ai pranoi një akuzë të vetme për mbajtje të paligjshme të informacionit të klasifikuar. Dokumentet që ai mbajti përfshinin shënime ditari që përmbanin informacione të mbrojtjes kombëtare, disa prej të cilave të klasifikuara në nivelin tepër sekret. Bolton përballet me një dënim me burg deri në pesë vjet dhe ka rënë dakord të paguajë një gjobë prej 2.25 milionë dollarësh (1.7 milionë paund), thanë prokurorët. Bolton do të informojë gjithashtu zyrtarët e sigurisë kombëtare mbi informacionin e klasifikuar që ai ka mbajtur ilegalisht, si dhe do të kryejë 100 orë shërbim ndaj komunitetit, raportoi partneri amerikan i BBC-së, CBS Neës.