Gjykata e posacme kundër korrupsionit dhe krimit të organizuar ka dënuar me 3 vite burg ish gjyqtaren e Krujës, Enkelejda Hoxha. Prokuroria e posacme kundër korrupsionit dhe krimit të organizuar, kërkoi 4 vite burg për Hoxhën, ndërsa gjykata aplikoi gjykimin e shkurtuar. Edhe avokati i saj Aldo Tabaku është dënuar me 4 vite burg, pasi ndihmonte Hoxhën dhe kryente rolin e sekserit. Enkelejda Hoxha u arrestua në 11 shkurt 2021 në Gjykatën e Krujës, gjatë një seance gjyqsore, teksa po lironte një tjetër person nga burgu, në këmbim të 12 mije eurove. Inspektorati i Lartë i Drejtësisë kërkoi shkarkimin nga detyra të gjyqtares Enkelejda Hoxha. Hetimi i ILD ndaj Hoxhës, nisi si rezultat i ankesës së bërë nga Ministria e Drejtësisë për lirimin e shumë personave të dënuar me burg për jetë, mes tyre dhe Endrit Doklen, ish-numri dy i bandës së Durrësit. Ish gjyqtarja u shkarkuar nga detyra në maujin mars të vitit 2021, nën akuzën e korrupsit dhe shpërdorimit të detyrës. Hoxha është e treta magjistrate e shkarkuar nga KLGJ pas një hetimi disiplinor të ILD-së.