Apeli I Posaçëm Antikorrupsion ka rrëzuar këtë të martë kërkesën e ish gjyqtares së Elbasanit Pajtime Fetahu për tu liruar nga qelia. Shkalla e dytë e gjyqsorit miratoi vendimin e GJKKO duke lënë në qeli Fetahun, pavarësisht se ish gjyqtarja kërkon lirimin me argumentin se ka probleme shëndetësore. Ish gjyqtarja që mbahet e paraburgosur që Pojskë, u ekspozua në dy hetime të Prokurorisë së Posaccme, përkatësisht në dosjen “Çopja” dhe dosjen e Suel Çelës, si pjesë e organizatës kriminale. Për dosjen e parë, organi i akuzës caktoi masën e sigurisë “arrest në shtëpi” ndaj Fetahut, ndërsa për të dytën, Gjykata e Posaçme me kërkesë të SPAK firmosi masën “arrest në burg”. Ish-gjyqtarja e Elbasanit Pajtime Fetahu akuzohet nga SPAK se i shërbente Suel Çelës, përmes uljes së dënimeve për anëtarët e grupit të tij, por edhe përmes ndërhyrjes te kolegët e saj për të zbutur masat e sigurisë, apo ulur dënimet ndaj tyre.