Gjykata e Elbasanit ka caktuar masësn e sigurisë detyrim për t’u paraqitur dhe ndalim i daljes jashtë vendit ndaj tre ish zyrtarëve shtetërorë, që akuzohen se përmes kanosjes kanë zhvatur një subjekt tregtar në Devoll. Masat e sigurimit u dhanë ndaj ish drejtorit të AMP-së së rajonit Korçë-Elbasan, shtetasit Glodjan Ahmetaj, ndaj ish oficerit të Policisë Gjyqësore, Klevis Hoxha dhe ndaj ish drejtorit të policisë Bashkiake në Devoll, shtetasit me Devis Agos. Dosja ndaj tre të pandehurve u kalua nga SPAK për te Prokuroria e Elbasanit. Kjo prokurori thotë se nga hetimi i deritanishëm dyshohet se tre shtetasit në fjalë gjatë ushtrimit të detyrës, duke shfrytëzuar funksionet e tyre si Drejtor i AMP-së, Oficer i Policisë Gjyqësore dhe Drejtor i Policisë Bashkiake, në bashkëpunim, kanë shtrënguar me anë të dhunës shtetasin A.B, subjekt tregtar, për të përfituar në mënyrë të padrejtë pasurinë e tij me qëllim moskryerjen e kontrolleve ndaj subjektit që ky shtetas administron. Prokuroria thotë se hetimet e kësaj çështje po vijojnë në bashkëpunim me shërbimet e policisë gjyqësore të Agjencisë së Mbikëqyrjes Policore, me qëllim dokumentimin e mëtejshëm të veprimtarisë kriminale.