Zv.Kryeministrja dhe ministrja e Infrastrukturës dhe Energjisë, Belinda Balluku prezantoi këtë të enjte drejtorin e ri të Postës Shqiptare, ish deputetin e PS, Etjen Xhafaj. Sinkron - Etjen Xhafaj është një bashkëpunëtor i hershëm i imi. Kemi punuar bashkë në disa pozicione, pasi Etjeni ka një karrierë të gjatë nga Ministria e Ekonomisë, Ministria e Financave, më pas zëvendësministër i Jashtëm, zëvendësministër i Infrastrukturës dhe Energjisë, deri në momentin në 2021 kur u largua nga ekzekutivi për t'iu kushtuar politikës, duke qenë se ka mbajtur një mandat të Qarkut të Tiranës, pra si deputet i Qarkut të Tiranës. E thënë e gjitha kjo, sot drejtimi i postës shkon në duart e një profesionisti të sprovuar, i cili ka një eksperiencë të gjatë në disa fusha. Zv.Kryeministrja tha se drejtori i larguar, Ardit Demiri do të vijojë të japë kontributin e tij po në radhët e Postës Shqiptare.