Top News -Ish-deputeti, 7 porosi për Ilir Metën!/ ‘Je shah mat shoku like, jo nga unë, por nga SHBA’

Ish-presidenti Ilir Meta tashmë kryetar i Partisë së Lirisë u vu nën hetim nga Prokuroria e Posaçme Kundër Korrupsionit dhe Krimit të Organizuar, nën dyshimin për një lobim të padeklaruar me vlerë rreth 700.000 euro. SPAK sqaroi se kjo kërkesë është pjesë e hetimeve që po kryen Prokuroria e Posaçme në kuadër të procedimit penal regjistruar mbi bazën e kallëzimit të ish-deputetit Halit Valteri, ndërsa ka ardhur edhe një reagim nga ky i fundit pasi Meta e sulmoi një ditë më parë. Duke folur me një gjuhë, aspak zyrtare ish-deputeti Valteri i kujton ish-presidentit se duhet të ketë kujdes pasi është kapur mat. “Je shah mat shoku Like. Jo nga unë, por nga përtej Atlatikut…! I dashur Like, unë as nuk kam bërë dhe as do të bëj kurrë diçka qe nuk e mendoj dhe që nuk është e drejtë. Dendoncimi im vjen si pasojë e gjithë atyre pasthirrmave nga populli i thjeshtë të cilin ti e ke zhvatur për më shumë se 30 vjet, duke mos lëshuar karrigen e politikanit për asnjë ditë të vetëm. Ti ja ke arritur tia hedhesh paq falë vendimeve të gjykatave të manipuluara, falë kapjes së sistemit të drejtësisë nëpërmjet rryshfetit dhe herë pas herë nëpërmjet shantazheve, si kjo e fundit kur akuzove kreun e SPAK”. Valteri është ndalur edhe tek pretendimet e Ilir Metës, se nuk ka asgjë të vërtetë në atë që është pohuar deri më tani nga Autoriteti i Dosjeve, duke i bërë edhe një krahasim.