Ish-agjenti i Agjencisë Qendrore të Inteligjencës, Ray McGovern ka deklaruar në një intervistë se ngritja e një shtabi pararojë nga Komanda Amerikane e Operacioneve Speciale në Europë (SOCEUR) në Shqipëri do të bëhet për të kontrolluar Kinën. Duke folur për ‘Dinamicaglobal’, agjenti thotë se njësia e forcave speciale amerikane në vendin ballkanik ka si objektiv kryesor ndalimin e çdo forme afrimi mes Tiranës dhe Pekinit, duke e kthyer Shqipërinë në një satelit të thjeshtë rajonal të interesit të Uashingtonit. Në intervistën e tij, McGovern është shprehur se objektivi i ngritjes së këtij shtabi pararojë është minimizimi i ndikimit kinez në rajon me pak ose aspak interes real nga ana e Uashingtonit për garantimin e stabilitetit dhe paqes për Ballkanin, sic edhe u deklarua.