Pavarësisht se është hapur një hetim për të nga shërbimi sekret, pasi kishte shkruar në X dhe më pas e kishte fshirë, se askush nuk po planifikon një atentat kundër Biden dhe Harris, Elon Musk i është kthyer sërish argumentit: Askush nuk e ka cuar as në mendje të vrasë Kamalën, sepse është e padobishme”, ka thënë ai në një intervistë me ishgazetarin e Fox Neës, Tucker Carlson. “Cfarë fiton me vdekjen e saj? Asgjë...vetëm ke blerë një kukull tjetër”, ka shtuar miliarderi. Në shtator, pas dy atentateve ndaj Donald Trumpit, Musk kishte shkruar në platformën e medias sociale ku ai vetë është pronar, se askush nuk po tenton të vrasë kandidaten demokrate. Pas reagimeve të shumta negative, miliarderi e kishte fshirë postimin dhe ishte justifikuar duke folur për një shaka që sidoqoftë, pak kush e kishte parë si argëtuese. Postimi ishte cilësuar i papërgjegjshëm nga shtëpia e bardhë. “Nëse trump humbet, unë jam i mbaruar. Sa vite burg mendoni se do më japin...a do ti shoh më fëmijët e mi? Nuk e di – kishte shkruar më tej Musk. “Mund të ketë një hakmarrje ndaj meje në rast se trump do të humbasë...do të tentojnë të përndjekin shoqëritë e mia dhe mua”, ka thënë pronari i X, Teslas, SpaceX dhe Starlink, duke theksuar se ai është plotësisht i përfshirë në mbështetje të Trump. “Këndvështrimi im është se nëse trump nuk i fiton këto zgjedhje, atëherë ato do të jenë të fundit zgjedhje që ne do të kemi”, tha Musk, duke shpjeguar se druan se miliona emigrantë që administrata Harris-Biden ka importuar, në fund do të marrin shtetësinë dhe do të spostojnë përfundimisht votat e ardhshme...