Rrezja e parë operative me lazer, me fuqi të lartë, do të vendoset në funksion këtë vit, duke ofruar një zgjidhje me kosto të ulët dhe të shpejtë për dronët dhe mjetet ajrore pa pilot. Izraeli do të vendosë sistemin e tij mbrojtës me lazer "Rreze Hekuri" deri në fund të vitit, pas përfundimit të testimit operativ të sistemit në shtator, duke u bërë vendi i parë që do të vendosë në përdorim një sistem mbrojtës ajror me lazer të gatshëm për luftim. Sistemi 100 kilovatësh ka kapur me sukses raketa, predha mortajash, mjete ajrore pa pilot dhe mjete të tjera gjatë javëve të testimit, duke demonstruar aftësinë e tij për të shkatërruar objektivat me saktësi brenda sekondave, deklaroi Ministria Izraelite e Mbrojtjes. "Rrezja e Hekurt" do t'i ofrojë Izraelit një shtresë të pestë të mbrojtjes ajrore, duke plotësuar sistemet "Kupola e Hekurt", "David’s sling", "Arroë 2" dhe "Arroë 3". Ndërsa sistemet ekzistuese arrijnë një shkallë prej 90-95% kundër sistemeve sulmuese të raketave, performanca e tyre kundër dronëve dhe mjeteve ajrore pa pilot ka qenë më e ulët, duke rrëzuar vetëm rreth 50%. Sistemi lazer është projektuar për t'iu kundërvënë këtyre pajisjeve, që fluturojnë ulët, një aftësi që sistemet e mëparshme nuk e kishin. Një nga kërcënimet më të mëdha për Izraelin është avioni pa pilot iranian Shahed në versionet e tij të shumëfishta. Droni Shahed 136 ka një trup prej fibrash karboni, cka e bën të vështirë gjurmimin e tij në radar, dhe një motor elektrik që e lejon të fluturojë në heshtje deri në 2,000 kilometra. Shahed 149 mund të mbajë 13 bomba, ndërsa 191 mund të pajiset me dy raketa me një ngarkesë totale prej 50 kg.