Prej kohësh Irani ishte përpjekur të pengonte SHBA, që të bashkohej me fushatën e bombardimeve të Izraelit me kërcënime të ashpra për hakmarrje. Pas bombardimeve të centraleve bërthamore nga SHBA, në orët e para të së dielës, Irani ka kërcënuar se do të përgjigjet përmes sulmeve, por opsionet e tij janë më të kufizuara edhe pas sulemeve të Izraelit. Zyrtarët iranianë kanë thënë konkretisht se anijet dhe bazat ushtarake amerikane do të jenë në shënjestër. Këto sulme janë përqendruar në lëshuesit e raketave balistike me rreze të gjatë veprimi. Irani ende ka një arsenal të frikshëm raketash dhe dronësh me rreze të shkurtër veprimi. SHBA-të kanë marrë masa paraprake gjatë disa javëve të fundit, duke shpërndarë praninë e tyre detare në rajon dhe duke forcuar mbrojtjen ajrore, për t'u siguruar që të paraqesin një objektiv sa më të vështirë të jetë e mundur.