Sali Berisha akuzon gjyqtaren Irena Gjoka, e cila ka firmosur ndaj tij masën e sigurisë detyrim paraqitjeje se është në konflikt të hapur interesi. - Ligji e ka të shkruar, ligji thotë: personi, i cili për shkak të detyrës, duhet të marrë një vendim, duhet të vendosë një firmë, duhet të bëjë këtë ose atë, duhet para se të bëjë këtë, të deklarojë me shkrim se nuk është në konflikt interesi. Sot ky është një parim i sanksionuar. Edhe në gazetari po përhapet, në shkencë po e po. Por zyrtari e ka me ligj. Ajo fshihet, ajo fshihet prapa krimit të saj. Nuk ka gjë më të keqe. Prandaj i bëra thirrje edhe atij ministrit të prokurorisë: Ndihmoje ushtarin e mirë Manja, Ulsi që të thotë të vërtetën shqiptarëve, se ajo e ka fshehur tani, ajo e ka humbur. Berisha akuzoi gjyqtaren Gjoka se e ka fshehur shkarkimin që i ka bërë në vitin 1996 në dokumentacionin e dorëzuar kur ka kaluar procesin e vettingut.