Ministri i Jashtëm i Iranit tha se Teherani dhe Uashingtoni besojnë se bisedimet bërthamore duhet të rifillojnë së shpejti pas negociatave indirekte në Oman. Në një intervistë Al Jazeerën të Katarit, diplomati tha se të dyja palët kanë rënë dakord por që ende nuk ka një afat për takimin e radhës. Araqchi shtoi se çështjet që lidhen me programin raketor të Iranit dhe pasurimin e uraniumit janë të papranueshme për negociatat e ardhshme. “As tani e as në të ardhmen nuk mund të mbahen negociata për raketat, sepse kjo është një çështje mbrojtëse”, tha ai duke shtuar se Irani do t’i përgjigjej çdo sulmi të mundshëm amerikan: “Nëse Irani sulmohet, ne do të shënjestrojmë bazat amerikane në rajon”. Ndërsa asnjëra palë nuk njoftoi rezultate konkrete, të dyja sugjeruan se negociatat për programin bërthamor të Iranit mund të vazhdojnë në afat të afërt. “Irani duket se dëshiron shumë të arrijë një marrëveshje. Duhet të shohim se çfarë marrëveshjeje është ajo”, u tha Trump gazetarëve në bordin e Air Force One. Tensionet mes dy shteteve janë rritur pas protestave ku mijëra civilë janë vrarë nga regjimi që po shuan revoltat. Ndërkohë Trump ka kërcënuar se do ta godiste Iranin nëse ndonjë nga dhjetëra mijëra protestuesit e arrestuar do të ekzekutohej.