Hapësira ajrore e Izraelit u skuq mbrëmjen e të martës nga qindra raketa balistike që Irani lëshoi në shënjë hakmarrje ndaj izraelit për vrasjen e liderit të Hezbollah. Sirenat e alarmit kumbuan në rrugët e kryeqytetit ndërsa banorët nxituan drejt vendstrehimeve. Sulmi me raketa zgjati disa minuta duke shkaktuar frikë e panik tek izraelitët. Por mbrojtja ajrore e Izraelit arriti të neutralizojë sulmin. Zëdhënësi i ushtrisë izraelite Daniel Hagari tha se kërcënimi nga raketat iraniane përfundoi dhe se të gjithë banorët mund të dalin nga vendstrehimet. Ai sqaroi se nga sulmi nuk pati viktima ndërsa paralajmëroi pasoja për Iranin. “Do të ketë pasoja për sulmin. Kemi plane dhe do të veprojmë sipas kohës dhe vendit që ne përcaktojmë”, shtoi zëdhënësi. Sipas radios së ushtrisë izraelite, gati 200 raketa u lëshuan nga Irani drejt Izraelit. Nga sulmi u anuluan të gjitha futurimet ndërsa u mbyll dhe hapësira ajrore. Veprim që e ndërmori dhe Jordania më herët. Sipas agjencisë së lajmeve Reuters, dëshmitarët thanë se panë të rrëzohen mbi hapësirën ajrore të Jordanisë disa nga raketat e nisura, ndërsa dhjetëra të tjera vazhduan lëvizjen drejt Izraelit.