Sulmet ajrore iraniane kanë dëmtuar ose shkatërruar të paktën 228 struktura ose pjesë të pajisjeve në bazat ushtarake amerikane në Lindjen e Mesme që nga fillimi i luftës, sipas një analize të Uashington Post. Dhe përmasat e shkatërrimit janë shumë më të mëdha se ato që janë raportuar më parë. Imazhet satelitore kanë zbuluar se sulmet ajrore iraniane kanë shkaktuar shumë më tepër dëme në bazat ushtarake amerikane, depot e karburantit, kazermat dhe postet e tjera nga sa po e pranon administrata Trump, edhe pse presidenti dhe Kabineti i tij pretendojnë se po e fitojnë luftën. The Ëashington Post raportoi se të paktën 228 struktura në vendet ushtarake amerikane në Lindjen e Mesme janë dëmtuar pjesërisht ose janë shkatërruar plotësisht nga Irani që nga fillimi i luftës së përbashkët të SHBA-së dhe Izraelit kundër Iranit. Uashington Post arriti në këtë shifër duke verifikuar në mënyrë të pavarur imazhet satelitore të publikuara nga media shtetërore iraniane.