Irani ka publikuar dronin më të fundit luftarak të ndërtuar prej tij, që mund të fluturojë në lartësi më të madhe dhe për një kohë më të gjatë, me kapacitete të shtuara armatimi – raportoi media shtetërore. Droni Mohajer-10 (mohaxher-10) u prezantua në një ceremoni në Teheran në të cilën merrte pjesë presidenti Ebrahim Raisi, i cili përgëzoi arritjet e industrisë iraniane të mbrojtjes. Droni i ri ëhstë një version i përmirësuar i Mohajer-6, për të cilin zyrtarët amerikanë e kanë akuzuar iranin se po ia shet rusisë për përdorim në luftën në ukrainë, akuzë kjo që sidoqoftë Teherani e ka hedhur poshtë. Qeveritë perëndimore, muajt e fundit kanë vendosur akoma më shumë sanksione mbi Iranin në lidhje me shitjet e supozuara të armëve. Droni i ri mund të fluturojë për maksimumi 24 orë, në një lartësi prej 7 mijë metrash dhe me një rreze veprimi prej 2 mijë kilometrash”, tha agjencia zyrtare e lajmeve IRNA.