Presidenti Donald Trump deklaroi se SHBA-të kanë kryer një sulm bombardues “të suksesshëm” në tre centrale bërthamore në Iran dhe se ato janë “shkatërruar”. Izraeli pohoi gjithashtu se ishte në "koordinim të plotë" me SHBA-në në planifikimin e sulmeve. Ndërkohë zyrtarët iranianë kanë konfirmuar se objektet u goditën, por mohuan se kishin pësuar dëme të madha. Sulmet shënojnë një përshkallëzim të mëtejshëm në luftën e vazhdueshme midis Iranit dhe Izraelit. Një nga objektivat ishte Fordo, një uzinë pasurimi uraniumi e fshehur në një shpat të largët mali që është jetike për ambiciet bërthamore të Iranit. Por edhe pse presidenti amerikan tha që kjo bazë u shkatërrua plotësisht shkallën e plotë të dëmit në këtë uzinë ende nuk dihet. Po ashtu shkalla e dëmtimit nuk dihet asn në dy centralet e tjera bërthamore aytë të Natanz dhe Isfahan. Organizata iraniane e Energjisë Atomike tha se bombardimi i tre centraleve bërthamore ishte një "shkelje barbare" e ligjit ndërkombëtar. Si Arabia Saudite ashtu edhe Agjencia Ndërkombëtare e Energjisë Atomike (IAEA), organi mbikëqyrës bërthamor i OKB-së, pohuan se nuk ka pasur rritje të niveleve të rrezatimit pas sulmit. Shefja e IAEA-së, Rafaelle Grossi, ka thirrur një takim urgjent të bordit të guvernatorëve të organizatës të hënën.