Hezbollahu njoftoi se goditi me raketa një bazë ushtarake izraelite të shtunën, ndërkohë që forcat izraelite luftonin kundër militantëve në Liban dhe Gazë në ditën më të shenjtë në kalendarin hebre, festën e Yom Kippurit. Për shkak të festës, një pjesë e vendit u paralizua me ndalim fluturimesh dhe të transportit publik, ndërsa hebrejtë besimtarë agjerojnë Por ushtria izraelite vijoi përballjen me Hezbollahun në Veri dhe me Hamasin në jug. Hezbollahu njoftoi se goditi me raketa një bazë ushtarake izraelite, ndërsa Izraeli iu përgjigj kritikave të OKB-së për plagosjen e katër ushtarëve paqeruajtës në Liban, duke thënë se trupat ndërkombëtare ishin pranë një skuadre terroristësh. Ndërkohë, Kryetari i parlamentit iranian të shtunën vizitoi vendin e një sulmi ajror izraelit në Bejrut nga i cili u vranë dhe u plagosën dhjetëra persona, duke u zotuar se Teherani do të vazhdojë të mbështesë libanezët dhe palestinezët në luftën kundër Izraelit. Por, nëse Irani kërkon reagim të fortë ndaj Izraelit, Kryeministri i përkohshëm libanez tha se emergjente është gjetja e gjuhës së armëpushimit dhe se Bejruti do të vazhdojë t’i përmbahet rezolutës së paqes të arritur në vitin 2006.