Teherani nuk ka besim te Shtetet e Bashkuara dhe është i interesuar të negociojë me Uashingtonin vetëm nëse është serioz, tha të premten Ministri i Jashtëm i Iranit, Abbas Araqchi, ndërsa bisedimet për përfundimin e luftës mbetën pezull. Të gjitha anijet mund të kalojnë nëpër Ngushticën e Hormuzit, përveç atyre në luftë me Teheranin, u tha Araqchi gazetarëve në Neë Delhi gjatë pjesëmarrjes së tij në takimin e ministrave të jashtëm të BRICS, duke shtuar se anijet që duan të kalojnë tranzit duhet të koordinohen me marinën e tij. Situata rreth kanalit kyç është "shumë e komplikuar", tha ai. Irani në mënyrë efektive e mbylli ngushticën, nga ku ma parë kalonte rreth një e pesta e furnizimit botëror me naftë dhe gaz pas shpërthimit të luftës me SHBA-në, në shkurt. Uashingtoni dhe Teherani njoftuan një armëpushim muajin e kaluar, por kanë luftuar për të hartuar një pakt paqeje të përhershëm. Bisedimet, të ndërmjetësuara nga Pakistani, janë pezulluar që kur Irani dhe SHBA hodhën poshtë propozimet më të fundit të njëri-tjetrit javën e kaluar. "Mesazhet kontradiktore" na kanë bërë të ngurrojmë në lidhje me qëllimin e vërtetë të amerikanëve për negociatat, tha Araqchi, duke shtuar se procesi i ndërmjetësimit nga Pakistani nuk ka dështuar, por është në "vështirësi". Irani po përpiqet të ruajë armëpushimin për t'i dhënë një shans diplomacisë, por është gjithashtu i përgatitur të kthehet në luftime, tha ai. Deklarata e Araqchi erdhi disa orë pasi Presidenti amerikan Donald Trump tha se durimit të tij me Iranin po i vinte fundi.