Irani anuloi të gjitha fluturimet në vend ndërsa po përgatitet për një sulm të mundshëm hakmarrës nga Izraeli. Forcat mbrojtëse të Izraelit po përgatiten të godasin Iranin në shenjë hakmarrjeje për breshërinë me 180 raketa që Ayatollahu nisi kundër vendit të martën e kaluar. Por disa orë pas njoftimit fillestar, fluturimet u lejuan të rifillonin në aeroportet e vendit. Nuk është ende e qartë nëse Irani i ndaloi fluturimet sepse besonte se Izraeli do ta godiste atë brenda natës apo kishte ndonjë arsye tjetër. Irani gjithashtu zbatoi kufizime në hapësirën ajrore kur lëshoi valët e raketave kundër Izraelit. Ky i fundit është zotuar se do të hakmerret - por shënjestrat që do të godasë nuk janë plotësisht të qarta, me presidentin amerikan Joe Biden që bëri një koment të çuditshëm rreth mundësisë së goditjes së fushave të naftës. Edhe zyrtarët izraelitë sinjalizojnë se objektet e naftës në iran do të jenë shënjestra të mundshme, por me gjasë do të ketë edhe vrasje të shënjestruara dhe planifikuara si edhe shkatërrimi i mbrojtjes ajrore të Iranit. Imazhet e reja satelitore të publikuara së fundmi zbuluan se ankorimi tani është bosh për herë të parë që nga nëntori. Ishulli Kharg, rreth 32 km në perëndim të Iranit, në Gjirin Persik, mban një terminal nafte përmes të cilit kalojnë 90 për qind e eksporteve të Iranit. Dhe të paktën sipas të dhënave paraprake, ushtria izraelite do ta përzgjidhte atë si një nga shënjestrat kryesore.