Presidenti rus Vladimir Putin priti në një takim ministrin e jashtëm iranian, Abbas Araghchi, i cili udhëtoi drejt Moskës një ditë pas sulemve që Shtetet e Bashkuara të Amerikës ndërmorën në tre centralet bërthamore. Putin tha se agresioni ishte i paprovokuar dhe veprimi i SHBA niuk ka asnjë justifikim. Kuy ishte qëndrimi i mbajtur prej tij gjatë fjalimit të mbajtur. “Ky agresion i paprovokuar ndaj Iranit është i pajustifikueshëm. Jam shumë i kënaqur që jeni sot në Moskë. Na jep mundësinë të diskutojmë të gjitha këto tema të vështira dhe të mendojmë së bashku se si të gjejmë një rrugëdalje nga situata e sotme”, pohoi presidneti rus që është përpjekur të paraqitet si ndëërmjetës mes konfliktit të Iranit dhe Izraelit, por që Trump e ka hedhur poshtë këtë gjë. Ndërkohë nga ana tjetër Araghchi i tha Putinit se Rusia ka qenë një “partnere dhe bashkudhëtare” e Iranit dhe vlerësoi marrëdhëniet mes Teheranit dhe Moskës si “shumë të ngushta dhe afatgjata”. Ai tha gjithashtu se sulmet nga Izraeli dhe SHBA-të “shkelën rregullat dhe normat ndërkombëtare”. “Irani po ushtron të drejtën legjitime për vetëmbrojtje ndaj këtyre agresioneve”, pohoi ai. Moska është një aleate e rëndësishme e Iranit, por nuk ka dalë fuqishëm në mbështetje të Teheranit, ndonëse Shtetet e Bashkuara goditën fundjavën që lamë pas objektet bërthamore iraniane. Kjo pasi Putin nuk shpalli asnjë mbështetje konkrete për aleatin kyç të Moskës në Lindjen e Mesme edhe pse pak muaj më parë ai dhe presidenti i Iranit nënshkruan një marrëveshje gjithëpërfshirëse partneriteti strategjik.