Teherani ka hedhur poshtë propozimin e Omanit për menaxhim të përbashkët rajonal të Ngushticës së Hormuzit, tha një zyrtar i lartë iranian për Reuters të mërkurën, duke shuar shpresat për një zgjidhje të ngërçit që ka bllokuar tregtinë e Gjirit për muaj të tërë. Omani propozoi një marrëveshje të re rajonale që synon zgjidhjen e konfliktit mbi ngushticën kritike, përmes së cilës kalonte rreth një e pesta e naftës dhe gazit natyror të lëngshëm global përpara se SHBA-të dhe Izraeli të sulmonin Iranin në shkurt. Megjithatë, Teherani përjashtoi propozimin e Omanit për menaxhim të përbashkët rajonal të ngushticës, duke thënë se nuk kishte shanse suksesi. SHBA dhe Arabia Saudite po përpiqen të bëjnë presion mbi Omanin për të çuar përpara "planet e tyre jorealiste" në lidhje me ngushticën strategjike, tha zyrtari për Reuters. Irani këmbënguli që e gjithë rruga hyrëse përmes ngushticës dhe një pjesë e rrugës dalëse duhet të jenë nën kontrollin iranian, shtoi zyrtari.