Presidenti iranian Masoud Pezeshkian tha se Irani do të angazhohet në negociata me SHBA-në pas kërkesave nga "qeveritë miqësore në rajon" për t'iu përgjigjur një propozimi amerikan për bisedime. Në një deklaratë në X, Pezeshkian tha se kishte udhëzuar Ministrin e Punëve të Jashtme të Iranit, Abbas Araghchi, të ndjekë bisedimet "me kusht që të ekzistojë një mjedis i përshtatshëm dhe i cliruar nga kërcënimet dhe pritshmëritë e paarsyeshme". Fjalët e presidentit iranian vijnë pasi udhëheqësi suprem i vendit, Ajatollahu Ali Khamenei, paralajmëroi se çdo sulm ndaj Iranit do të shkaktonte një konflikt rajonal. Presidenti amerikan Donald Trump, ka kërcënuar të ndërhyjë në Iran për shkak të ambicieve të tij bërthamore dhe shtypjes vdekjeprurëse ndaj protestuesve, ndërsa ka grumbulluar forca masive pranë vendit. "Këto negociata do të zhvillohen brenda kuadrit të interesave tona kombëtare", shtoi Pezeshkian.