Sulmet e Iranit kundër Izraelit do të vazhdojnë, me objektivat që do të zgjerohen për të përfshirë bazat amerikane në rajon në ditët në vijim, raportoi të shtunën agjencia e lajmeve Fars e Iranit, duke cituar zyrtarë të lartë ushtarakë iranianë. "Ky konfrontim nuk do të përfundojë me veprimet e kufizuara të natës së kaluar dhe sulmet e Iranit do të vazhdojnë, dhe ky veprim do të jetë shumë i dhimbshëm për agresorët", raportoi Fars, duke cituar zyrtarë të lartë ushtarakë. Ata u cituan të kenë thënë se lufta do të "përhapet në ditët në vijim në të gjitha zonat e pushtuara nga regjimi izraelit dhe bazat amerikane në rajon". Kërcënimi i një lufte më të gjerë vjen ndërsa Irani dhe Izraeli vazhdojnë të godasin njëri-tjetrin, pasi Izraeli nisi ofensivën e tij më të madhe ajrore ndonjëherë kundër armikut të tij të hershëm në një përpjekje për ta parandaluar atë nga zhvillimi i një arme bërthamore. Irani ndërkohë tha se bisedimet me SHBA-në për cështjen bërthamore, janë 'të pakuptimta' pas sulmit në Izrael. "Pala tjetër veproi në një mënyrë që e bën dialogun të pakuptimtë. Nuk mund të pretendosh se negocion dhe në të njëjtën kohë të ndash punën duke lejuar regjimin sionist të shënjestrojë territorin e Iranit", cituan mediat shtetërore të shtunën zëdhënësin e ministrisë së jashtme Esmaeil Baghaei. Ai tha se Izraeli "ia doli mbanë të shkatërronte" procesin diplomatik dhe sulmi izraelit nuk do të kishte ndodhur pa lejen e Uashingtonit.