Vladimir Putin është zotuar të bëjë gjithçka që mundet në shërbim të interesave të Iranit “heroik” në luftën kundër SHBA-së dhe Izraelit. Presidenti rus priti Ministrin e Jashtëm iranian Abbas Araghchi me krahë hapur në Shën Petersburg, në një shenjë se “Boshti i së Keqes” po forcohet gjithnjë e më shumë. “Ne do të bëjmë gjithçka që i shërben interesave tuaja dhe interesave të të gjithë popujve të rajonit për të siguruar që paqja të arrihet sa më shpejt të jetë e mundur”, i tha ai aleatit të tij, sipas mediave shtetërore ruse. Zyrtari iranian vlerësoi Putinin për mbështetjen e tij dhe vlerësoi se miqësia dhe aleanca mes dy vendeve është tashmë e provuar. Takimi është një nga më të rëndësishmit që nga shpallja e armëpushimit mes SHBA-së dhe Iranit më 8 prill. Sergey Lavrov, homologu rus i Araghchi, e përshkroi atë si "të dobishëm", por nuk zbuloi se çfarë u diskutua. Rusia e ka ofruar vazhdimisht veten të veprojë si ndërmjetëse për të qetësuar tensionet në Lindjen e Mesme. Ajo gjithashtu është ofruar të ruajë uraniumin e pasuruar të Iranit, një propozim i refuzuar shpejt nga SHBA-ja.