Shqipëria dhe Turqia kanë vënë si objektiv dyfishimin e shkëmbimeve tregëtare. Kryeministri Edi Rama shprehu ambicien për të ndërtuar një autostradë suksesi mes Bosforit dhe Adriatikut. Rama: “Nesër të ndërtojmë një autostradë suksesi mes Bosforit dhe Adriatikur, kjo marrëdhënie është bashkëudhëtim drejt së ardhmes. Ura që lidh Ankaranë me Tiranën zyrtare është më e fortë se kurrë, një urë që bashkon dhe që e bën më të shpejtë dhe më të lehtë lidhjen mes lindjes dhe perëndimit, përmes korridorit të tetë dhe portit të ri të Durrësit, por njëkohësisht që lidh historinë me të ardhmen. Shqipëria dhe Turqia flasin me të njëjtën gjuhë, me gjuhën e punës.” Zëvendëskryeministrja, Belinda Balluku ftoi biznesmenët turq të investojnë në Shqipëri, jo për të bërë një gjest bamirësie, sikurse ka ndodhur në vitet e para të demokracisë, por si një akt për të rritur të ardhurat nga investimet.