Ndërsa në Tiranë protestuesit kërkuan në të pestën ditë me radhë largimin e kryeministrit Edi Rama, ky I fundit u është përgjigjur nga Mali I ZI me një video të ‘Porto Montenegro’. Një histori që sipas kreut të qeverisë tregon sukses. "Live nga perla që e sollën këtu dikush që e përzunë nga Shqipëria. O çuna goca na e kaluan njëherë këta vëllezërit e vegjël topin për shalësh, për fajin e honxhobonxhove tanë që e lanë topin ta marrë deti. Po tani s’bëhet llaf më, ta harrojnë të gjithë ata që thonë s’duan apo s’na duan, se na kalon prap huq topi i historisë së Shqipërisë së Re Europiane”, shkroi Rama në Facebook, ndërsa tregoi se ky investim u bë nga një kanadez që në fillim kishte ardhur në Shqipëri për ndërtimin e një porti Turistik në zonën e Durrësit, por që nuk I ishte mundësuar e për këtë shkak zgjodhi që investimin ta bënte në Malin e Zi.