Kryeministri Edi Rama inspektoi dy investime në Durrës. I pari ishte parkimi që po ndërtohet, që sipas Bashkisë së Durrësit do të jetë multifunksional dhe për më tepër do të furnizohet me energji diellore. Projekti është konceptuar që të funksionojë si një rampë nga hyrja, deri në katin e fundit. Kjo do të bëjë të mundur uljen e sipërfaqes së qarkullimit. Objekti është i vendosur në një nyje strategjike të qytetit, mes portit të ri turistik dhe stacionit hekurudhor. Investimi i dytë që inspektoi Kryeministri ishte qendra kulturore e fëmijëve në Durrës, e transformuar përmes një investimit të vetë bashkisë.