Deputetja e Partisë Demokratike, Jorida Tabaku reagoi pas publikimit të raportit nga Departamenti Amerikan i Shtetit, duke thënë se ky dokument dëshmon se Shqipëria vazhdon të mbetet në të njëjtin stanjacion për shkak të sistemit që kanë ngritur socialistët. Për ta ndryshuar këtë dinamikë – sipas saj - vendi ka nevojë për një shtet ku sundon ligji, jo ligjet me porosi dhe për një qeverisje që punon për shumicën, jo për një pakicë të privilegjuar. Duke u ndalur tek çështjet e evidentuara në raport, Tabaku thotë se sipas skanert amerikan krimi në vend është rritur me rreth 17 për qind, duke nxjerrë në pah një problem serioz për mjedisin ekonomik të vendit. Megjithatë, për një investitor potencial, shqetësimi kryesor nuk lidhet vetëm me sigurinë fizike. Ai lidhet me pasigurinë institucionale. – shprehet Tabaku. Rabaku ndalet edhe tek gjetjet e raportit të Departamentit Amerikan të Shtetit për korrupsionin në gjyqësor, në administratën shtetërore dhe në prokurimet publike, kur thotë se këto rreziqe bëhen edhe më të mëdha në sektorë potencialisht tërheqës për investitorët amerikanë, si infrastruktura rrugore dhe energjetika, ku ndërthuren prokurimet publike, lejet shtetërore, kontratat afatgjata dhe vendimmarrja politike.