Google synon të bëjë me pagesë kërkimet dhe shërbimet e ofruara nga inteligjenca artificiale. Propozimi i Google, të raportuara fillimisht nga Financial Times, kërkojnë që kompania të ofrojë ekskluzivisht funksionin e saj të ri të kërkimit për përdoruesit e shërbimeve të saj premium të abonimit, në të cilat klientët tashmë duhet të regjistrohen nëse duan të përdorin asistentë të inteligjencës artificiale në shërbimet e tjera të Google, si Gmail, Play Store apo në motorin e kërkimit. Kompania thotë se mbajtja e shërbimeve të inteligjencës artificiale aktive ka një kosto më të lartë se shërbimet tradicionale dhe këto kosto duhen të kompensohen përmes tarifimit të shërbimit. Një pjesë e start up-eve kanë nisur aplikimin e tarifave për shërbimet e inteligjencës artificiale, megjithatë, shumë prej tyre ngurrojnë që të vendosin pagesa për shkak të konkurrencës dhe frikës së dështimit për të tërhequr klientë.