“Integrimi në Bashkimin Evropian mbetet prioritet kyç i Qeverisë së Kosovës”, është mesazhi kryesor I përcjellë mes një bisede telefonike mes kryeministrit, Albin Kurti dhe komisioneres për Zgjerim të Bashkimit Evropian, Marta Kos. Sipas Zyrës së Kryeministrit, Kurti ka nënvizuar rëndësinë e marrjes së statusit kandidat si hap të rëndësishëm për anëtarësim në Bashkimin Evropian. Kryeministri ka theksuar se ndër vendimet e para të Kuvendit, krahas miratimit të buxhetit të ri në vlerë prej 4 miliardë euro, ishte edhe miratimi i Planit të Rritjes në vlerë prej 882.6 milionë euro, i cili synon përshpejtimin e reformave dhe zhvillimin ekonomik të vendit.