Qeveria ka përfunduar një projekt për ngritjen e një instituti për trajtimin e fëmijëve të mitur në konflikt me ligjin. Kryeministri Edi Rama gjatë konsultimeve publike në Fier me prindër dhe mësues mbi forcimin e sigurisë në shkolla dhe jashtë saj, si dhe mbi kufizimin ose ndalimin e aksesit të adoleshentëve në rrjete të caktuara sociale, sqaroi se nisma ka dhe mbështetjen e BE. është një model demokratik i shkollës së riedukimit, sepse ato sistemet e riedukimit kanë problematikën e tyre. Por ky është një program që e mbështet shumë Bashkimi Europian, është një model i ri institutesh i fëmijëve që janë në konflikt me ligjin, që do të thotë fëmijë minorenë, të cilët kryejnë vepra penale të lehta ose të rënda, që në rast se do të kishin mbushur moshën të shkojnë në burg, por për shkak se janë nën moshë nuk mund t'i çosh në burg dhe është, nuk është burg, nuk është shkollë vagabondësh. Sipas kreut të qeverisë tha se përmes këtij programi synohet që fëmijët të mos futen në rrugë të gabuar. Është një institut ku ka programe të veçanta dhe ka një pedagogji të veçantë për t'u marrë me këta fëmijë, që mundësisht çfarë ka ndodhur të mos jetë një traum, që pastaj thellohet dhe sa më shumë rriten, aq më shumë futen në atë rrugë të gabuar. Konsultimet për mbylljen apo bllokimin e Tik Tok, kanë ardhur pas sherrit tek Shkolla Fan Noli, ku u vra 14-vjeçari Martin Cani dhe u plagos shoku i tij.