3 persona janë arrestuar nga ana e Policisë në Itali, pasi dyshohet se inskenonin rrëmbime me qëllim përfitimin e parave. Sipas mediave italiane 2 prej 3 të arrestuarve janë shtetas shqiptar. Bëhet fjalë për Fredi Frrokaj dhe Olsi Mitraj të cilët përfunduan në pranga bashkë me italianin Alberto Zannini. Sipas hetimeve të prokurorisë të tre i propozuan dy sipërmarrësve nga Brescia për të simuluar një rrëmbim. Një ndër to është edhe Alessandro Sandrini, sipërmarrësi nga Brescia i cili u zhduk në Turqi në tetor 2016 dhe u shfaq përsëri në maj 2019. Të tre të arrestuarit vepronin në Itali, Turqi dhe Siri. Të akuzuarit I kishin propozuar Sandrinit të shkonte në Turqi në mënyrë që të simulonte një rrëmbim, por sapo arritën atje ata e dërguan kundër vullnetit të tij në në Siri. Sipas një dëshmie të Prokurorit Publik të Romës, Alessandro Sandrini planifikonte të bënte shumë para me rrëmbimin e rremë, shuma të cilat shkonin deri në 100 mijë euro.