Influencuesja kineze e njohur si Baby Tingzi është 160 centimetra e gjatë dhe peshon vetëm 25 kilogramë. Qëllimi i saj është të humbasë edhe më shumë peshë dhe ndjekësit e saj janë jashtëzakonisht të shqetësuar. Ajo pretendon se i pëlqen të jetë e dobët dhe se dobësia nuk ka asnjë ndikim negativ në jetën e saj. Ajo jeton në Guangzhou dhe poston video të saj duke pozuar me veshje të ndryshme dhe duke kërcyer në aplikacionin Douyin, i cili është versioni kinez i TikTok. Ajo është filmuar edhe në peshore duke u bërë të ditur fansave se sa peshë ka humbur. Më shumë se 40,000 njerëz e ndjekin atë në aplikacionin e lartpërmendur. Shumë nga ta i luten që të kërkojë sa më parë ndihmë mjekësore, por ajo nuk i kushton vëmendje këtyre komenteve. “Kjo është kaq e trishtueshme për t’u parë. Bëj diçka para se të jetë vonë”, “Sëmundje e rëndë. Shpresoj të dalësh nga kjo”, “I kërkoj familjarëve të saj të veprojnë sa më shpejt”, janë disa nga komentet poshtë videove të saj. Shumë prindër thanë se kishin frikë se fëmijët e tyre do të gjenin videot e saj dhe do të fillonin të vuanin nga anoreksia. Source TikTok: @BabyTingzi