Një infermiere britanike, e njohur dhe si influencuese në Instagram, ndonëse u dënua për tentativë kontrabande të 32 kilogramëve kanabis me vlerë rreth 160 mijë paund, është lejuar të mbajë licencën e saj profesionale. Levi Whalley, 32 vjeç, u arrestua në dhjetor 2023 në Aeroportin e Birminghamit, së bashku me shoqen e saj, pasi autoritetet zbuluan drogën në bagazhet e tyre. Në valixhen e saj u gjetën 38 pako kanabis, me peshë rreth 19 kilogramë. Në vitin 2025, ajo u shpall fajtore për kontrabandë droge dhe u dënua me 16 muaj burg me ekzekutim të pezulluar për 18 muaj, duke shmangur vuajtjen e dënimit në burg. Megjithatë, Këshilli i Infermierisë dhe Mamisë vendosi të mos ia heqë licencën, por t’i vendosë një pezullim 12-mujor, duke argumentuar se përjashtimi i përhershëm do të ishte “joproporcional dhe tepër ndëshkues”.