Zëvendësministri i mbrojtes Petro Koçi është infekuar me koronavirus. Lajmin e ka bërë vet ai të ditur përmes një postimi në rrjete sociale, ku të infektuar nga covid 19 rezultojnë edhe bashkëshortja e djali i tij. “Covid, i vetëofruar si dhuratë për festat e fund dhe fillimvitit hyri pa trokitur ne familjen tone, duke na perqafuar te gjitheve. Nje kollë që vjen gjithnje e me shume prej thellësisë se kraharorit, temperature nganjehere me ethe, nje keputje trupi, ilace, gjilpera, cajra na shoqerojne ditet. djeu konfirmuam me covid dhe nga analiza.U kerkoj gjithe kontakteve te mia te para 4 diteve te bejne kujdes”, thotë Koçi në postimin e tij, duke bërë njëkohësisht apel të gjithëve të vijojnë të respektojnë masat për mbrojtjen nga virusi. Për mediat Koçi ka pohuar se ai dhe djali janë në ditët e para të infeksionit, ndërsa më shumë probleme duket se virusi i ka shkaktuar bashkëshortes që po vijon trajtimin me kurëne tretë të antibiotikëve.