Kryetarja e Bashkisë së Shkodrës Voltana Ademi është infektuar me koronavirus. Lajmi ëshë bërë i ditur nga burime zyrtare të bashkisë Shkodrës. kryebashkiakja Ademi ka marrë të hënën pasdite përgjigjen e testit ku i është konfirmuar se është pozitive me covid 19. Pas kësaj ajo është karantinuar në shtëpinë e saj dhe sot nuk është paraqitur në zyrën e saj në bashkinë e shkodrës. Gjendja shendetesore e kryetares së bashkisë së Shkodrës mësohet se është e qëndrueshme dhe ecuria e saj po ndiqet nga mjeket epidemiologe dhe nga mjeku i familjes. Pavarësisht mungesës në zyrë kryetarja e bashkisë është në komunikim të vazhdueshëm me stafin e saj të ngushtë për cështje të përditshëmërisë që janë pjesë e punës. Kujtojmë se Shkodra, pas Tiranës dhe Durrësit mbetet një nga bashkitë me me shumë raste infektimesh me koronavirus në vend.