Infektimet e reja nga Covid 19 për të disatën ditë me radhë vijojnë të mbeten në të njëjtat nivele, gjë që tregon për një stabilitet të pandemisë. Sipas raportimit ditor të ministrisë së Shëndetësisë janë konfirmuar 341 raste të reja me koronavirus, si pasojë e 3007 testimeve të kryera ndaj personave të dyshuar. Tiranë vijon të mbetet vatra kryesore e përhapjes së virusit, por tashmë me shifra shumë më të ulta se diusa javë më parë. Kështu në kryeqytet janë konfirmuar 85 raste të reja, 23 janë shënuar në Durrës, nga 18 raste në Fier dhe Pogradec, nga 17 raste në Krujë dhe Gjirokastër, 16 në Korçë, 15 në Elbasan, 12 në Devoll, 11 në Vlorë, nga 10 raste në Lezhë dhe Berat dhe më pak të infektuar në bashkië e tjera të vendit. Ndërkaq sërish janë shënuar viktima të tjera për shkak të infektimit me virusin vdekjeprurës, ku nga raportimi mësohet se janë 9 qytetarë të moshave 37-79 vjeç që kanë ndërruar jetë gjatë 24 orëve të fundit. Me këto humbje jete ka shkuar në 2256 që nga fillimi i pandemisë. Në të njëjtat nivele të stabilizuar dhe një rënie të lehtë mbetet edhe numri i të shtuarve në spitalet COVID në Tiranë dhe tre spitalet rajonale ku po trajtohen 263 pacientë, 10 në terapi intensive, nga të cilët 4 pacientë janë të intubuar. Po ashtu gjatë 24 orëve të fundit janë shëruar 673 qytetarë, duke e çuar numrin e të shëruarve në 93,173 që nga fillimi i epidemisë. Ndërsa numri i rasteve active vijon të jetë i lartë dhe janë përkatësisht 30 754 persona pozitivë. Që nga fillimi i pandemisë janë konfirmuar 126183 raste të pozicive me covid 19.